شصاير بيك حقك لمن تكول

شصاير بيك حقك لمن تكول
الصارن بيه ما ينحسبن هواي

أنه من البيت أطلع شايل هموم
و أرد شايل هموم.. شلونك بهاي؟
...
لا جنحاني عانني وطرت فوك
ولا رجليه عانني إعله ممشاي

و أيدي اليسرى كصرت بعد متلوح
و أكصر منهه جا شتلوح يمناي

كلش مالي واهس والخلك خيط
وصارت زرف أبره بعيني دنياي

أذا لاكيت غيري ايجوز ترتاح
وأذا لاكيتني؟ عاشور ملكاي

وانته تريدني أضحك ؟ أضحك شلون؟
وانه جم خنجر المزروع بجلاي

وميلوك الضحك للكلبه تعبان
وجرح وي دمي يفتر.. رايح او جاي

وانه اوداعتك مو مال ضحكات
أخصائي بجي سوتني دنياي

شلون تريدني ألكه أفياي بالصيف
وانه بعز الشته ملكيتلي أفياي

حزني شلونه حزني؟ أشكال والوان
شنو لون الفرح؟ تعذرني من هاي

علي ثوب الهموم أمفصل أفصال
وكلش على كدي ولايك أوياي

أنه أبدرس الفرح ماخذ صفر دوم
ومية بالحزن حطتلي دنياي

الناي أشكد حزين أيبجي الناس
وظل ياخذ درس من حزني الناي

ربه وياي حزني وكمت أماشيه
وتعلم حتى كام يبات وياي

مما راق لي واتمنى ان يرووق لكم

شكرا لحضورك العطر
حياك الله